Contoh Satua Bahasa Bali I Cicing Gudig

I Cicing Gudig 

   

Ade kone tuturan satua I Cicing Gudig. I Cicing Gudig,buka adane berag tegreg tur gudig,sing mebulu.sing jalane melispis ade dogen anak ngesekang wiadi nigtig.ngewai kone ia maseselan,nyelselang buat kelacurane tumbuh dadi cicing makejang anake tuare ngiengin.

Sedek dine anu I Cicing Gudig melispis di pekene. Ade kone ana medaar didagang nasine, ento kone nengnenge.kene kenehne I Cicing Gudig,” Yen idewek dadi manusa buke anake ento,kenken yen legan kenehe ngamah ,mebe soroh ane melah –melah.ah kene jani baan medaye,nyanan petenge lakar mebakti ke Pura Dalem,mapinunas teken Batari Durga apang dadi manusa.

            Kacerita suba peteng ,mabakti kone I Cicing Gudig di Pura Dalem.medal lantas Ida Betari Durga tur ngandika teken I Cicing Gudig,” Ih iba Cicing Gudig,dadi iba ngacep nira,ape

katunasang ? mesaut I Cicing Gudig,”Inggih paduka Betari ,yan paduka Betari ledang,titiang mapinunas mangde dados manusa.

Kaceritayang mangkin kalugra kone pinunasne  I Cicing Gudig,lantas ia dadi jeleme,nanging ia tusing bias ngalih gait using pati kone ngamah.mare –marane ngamah ulian maan memaling.pepees kone ia ketara memaling.Lantas buin kone  ia mebakti di Pura Dalem.Medal lantas Ida Betari Durga tur ngandika teken I Cicing Gudig,”Ih iba Cicing Gudig ngengken dadi iba buin mai ?

Matur I Cicing Gudig,”Inggih paduka Betari ,titiang tan demen manusa panjak.yen paduka paduka Betari ledang ,titiang mapinunas mangda dados” Patih”.Ida Betari Durga ngelugrayang pinunasne.

            Kaceritayang dugasne ento Ida Sang Prabu ngerereh buin adiri.I Cicing Gudig lantas kanikaang dadi Patih,ditu ia ngiring.Beh keweh pesan dadi pepatih,tusing maan ngenken-ngenken,begbeg pesan  kanikayang tangkil ke Puri.yen Idewek  dadi Anak Agung kenken ya legan kenehe nunden-nunden dogen.keto kenehne ICicing Gudig.nyanan petenge  buin kone ia mebakti di Pura Dalem mapinusasang apang dadi Anak Agung.Ida Betari Durga ngelugrayang lantas patuh pesan kone I Cicing Gudige teken warna Ida Sang Prabu.

            Kacerita sedek dine anu Sang Prabu lunga maboros kealase,macelep kone I Cicing Gudig

Ke Puri. Dening patuh goban I Cicing Gudige teken Ida Sang Prabu,dadi kasengguh Ida Sang Prabu.matur IPatih saha bakti,”Titiang mamitang lugra Ratu sang Prabu,punapi awainan dados cokor IRatu paragaeyan tulak saken paburuan ? mesaut ICicing Gudig”Kene Patih,mawinan nira tulak saken nira ngiringan sabdan Betara,tan kalugra nira melaksana mamati.mati.Kanikayang lantas nira tulak to juru borose ade pinunasa teken nira,tusing ngiring,mantuk kerana kadungan suba make naan.nira ngelugrain,mawanan tan pairingan nira mulih.keto pamunyene ICicing Gudig,teke jag ngugu kone I Patih muah panjake ane len-lenan.

            Kacerita sai-sai koneI Cicing Gudig ngeraosin anak mawikara sawireh ,Cicing Gudig tuara nawang lud,makejang wikaran anake pelih baana ngundukang,ane patut menang kalahange,anak patu kalah menangange.Kaupet kone Cicing Gudig dadi Agung,sewai –wai anak mawikara dogen.yen Idewek okan Anak Agung,kenken ya demene keme mai melali iringan parekan ,dikenkene magandong,buina tusing pesan ngitungan apan-apan,sajawaning ngamah teken melali dogen. Nyanan petenge mebakti kone buin I Cicing Gudig di Pura Dalem,mapinunas apang dadi okan anak Agung,Ida Betari Durga ngelugrayang pinunasne patuh lantas gobane I Cicing Gudeg buka warna Ida Rade Mantri.

            Kaceritayang buin mani semenganne,maorta ilang kone Ida Raden Mantri ,sedeng ewana ngibukang Raden Mantri, deleng-deleng I Cicing Gudig ngapuriang sawireh I Cicing Gudig kasengguh Raden Mantri,makesiyab kone keneh wang jerone makejang

Kacerita jani I Cicing Gudig kaurukang melajah nyastra dening asing ajahina muah takonina I Cicing Gudig tuara karoan pesautne,ngengsap kone lantas gurune ngemplangin I Cicing Gudig

” Kaing”keto kone aduhane I Cicing Gudig dening keto buin kone pasangetina ngemplangin I Cicing Gudig” Kaing “ keto buin munyene buin kemplangine tur pesangetina,buin kone I Cicing Gudig mekaingan.Beranti lantas gurune lantas ia nyemak penyalin angone nigtig I Cicing Gudig kanti enceh-enceh mare kone suudanga.

Kacerita nyanan petenge kone kePura Dalem lantas I Cicing Gudig mabakti mapinunas apang buin dadi Cicing Gudig buka jati mula.I Cicing Gudig lantas buin  Cicing Gudig.

            Pikenoh sane munggah rin carita wawu inggih punika: pari –polah Cicing Gudig tan dados  tulad yen suba dadoss Cicing sampunang malih mapinunas sane tiosan tan manut ring paukudan,punika taler yen sampun dados manusa patut selegang melajah rereh guana kaya utawi pengasilan mangde prasida nyambung hidup.

            Inggih Ida dane pamiarsa sareng sami lan pamekas timpal-timpal tiang sareng sami kadi asapunika titiang ngaturang Satua Bali sane mamudra “I Cicing Gudig” minabta wenten kirang langkung mungguhing paribasa titiang gumanti mangda  prasida  ngampurayang puputang titiang antuk parama santi” Om   Shanti   Shanti   Shanti   Om”

Tweet

Postingan terkait:

— Tuesday, October 15, 2013 — Add Comment — Pelajaran Agama